ENQA

Жоғары білім берудегі сапаны қамтамасыз ету бойынша еуропалық қауымдастық (The European Association for Quality Assurance in Higher Education - ENQA) 2000 жылы жоғары білім берудегі сапаны қамтамасыз ету бойынша Еуропалық желі ретінде еуропа елдерінің аталған сферада бірлестігін дамыту үшін құрылған. Аталған мекемені құруға жоғары білім берудегі сапаны бағалау бойынша еуропалық пилоттық жоба (1994-1995 гг.) кезіндегі сапаны қамтамасыз ету саласындағы тәжірибемен алмасу маңыздылығы түрткі болды.Жоғары білім берудегі сапаны қамтамасыз ету саласындағы еуропалық серіктестік идеясы Еуропалық кеңесте қолдау тауып, 1998 жылғы 24 қыркүйектегі Еуропалық кеңес Ұсынымына, Болон декларациясына (1999 ж) әсер етті. 2004 жылғы қарашада желінің Бас Ассамблеясында мекеменің атауын Жоғары білім берудегі сапаны қамтамасыз ету бойынша Еуропалық қауымдастық деп өзгерту туралы шешім қабылдады. ENQA құрылған кезден бастап оның қызметін Еуропалық комиссия қаржыландырып келеді.

ENQA миссиясы

Қауымдастық еуропалық бірлестікке жоғары білім берудің сапасын қамтамасыз ету саласында жәрдемдесу үшін құрылған.

ENQA міндеті

• ақпарат және тәжірибе алмасуды, әсіресе әдістемелік зерттеу саласында, дамыту және қолдау;
• сапаны қамтамасыз ету саласында стандарттарды жасайтын және бекітетін саясаттық форум ретінде қызмет істеу;
• еуропалық елдердің білім министрліктерінің, мемлекеттік биліктің ұлттық және жергілікті органдарының және Болон үрдісінің аясында жұмыс істейтін басқа да инцтанциялардың сауалдары бойынша экспертиза жүргізу және кеңес беру;
• трансұлттық еуропалық жоғары білім беру саласындағы сапаны қамтамасыз ету рәсімдрінің дамуына үлес қосу;
• сапаны қамтамасыз етудің тиімді жүйелері мен аккредиттеу агенттіктерінің дамуына үлес қосу;
• сапаны қамтамасыз ету жүйесі мен аккредиттеу агенттіктерінің эксперттік зерттеулерін ұйымдастыру;
• басқа еуропалық мекемелермен және қызығушылық танытқандармен қарым-қатынас жасау және оны дамыту;
• жоғарғы білім берудің еуропалық кеңістігін жасауға үлес қосу;
• басқа желілермен және аймақтармен диалог жүргізу.