Аккредиттеу және рейтинг тәуелсіз агенттігі (IAAR/ НААР) Сіздерді 2024 жылдың 4 қазанында Астана қаласында (Қазақстан Республикасы) өтетін «Білім беру сапасын арттыру – ақпараттық кеңістіктегі жоғары оқу орындарының стратегиялық даму феномені ретінде» білім сапасын қамтамасыз ету бойынша VIII Орталық Азия Халықаралық Форумының жұмысына қатысуға шақырады.
Жыл сайынғы IAAR форумы білім сапасын қамтамасыз етудің ішкі және сыртқы жүйесін дамытудың өзекті мәселелерін талқылауға, шетелдік білім беру ұйымдарымен ынтымақтастықты кеңейтуге, академиялық қоғамдастық пен халықаралық еңбек нарығының сапа мәдениетін және сындарлы өзара әрекеттестігін одан әрі дамытуға бағытталған.
Форумның жұмысына жоғары білім сапасын қамтамасыз ету жөніндегі Еуропалық қауымдастықтың (ENQA) Президенті Дуглас Блэксток және жоғары білім сапасын қамтамасыз ету жөніндегі Еуропалық Реестрдің (EQAR) Президенті - Стефан Ловик, мемлекеттік органдардың, жоғары білім беру сапасын қамтамасыз ету бойынша халықаралық желілердің өкілдері және Қазақстан, Қырғызстан, Өзбекстан, Тәжікстан, Әзірбайжан, Франция, Ұлыбритания, Гонконг, Түркия, Молдова, Армения, Латвия жоғары оқу орындарының басшылары қатысады.
Толығырақ
