"Академиялық адалдық жоғары білім сапасын қамтамасыз ету факторы ретінде" тақырыбындағы семинар
15.03.2024
2024 жылғы 15 наурызда ҚР ҰӘМ жоғары білім беруді дамыту ұлттық орталығы ұйымдастырған "Академиялық адалдық жоғары білім сапасын қамтамасыз ету факторы ретінде" тақырыбында семинар өтті, оған Тәуелсіз аккредиттеу және рейтингтің агенттігі Бас директорының кеңесшісі О. А. Яновская қатысып, "Еліміздің жоғары оқу орындарында сапа мәдениеті мен академиялық адалдықты ілгерілету" атты презентациямен сөз сөйледі.
Спикерлердің назарында жоғары оқу орындарының түлектерін даярлау сапасын қамтамасыз ету мәселелері болды. Семинарда білім алушылардың академиялық адалдығын дамытудың негізі ретінде құқықтық мәдениет пен сауаттылықтың өзекті мәселелері, академиялық адалдықты нормативтік қамтамасыз етудің әртүрлі аспектілері, академиялық адалдықты сақтаудың заманауи тәсілдері, әдіснамасы мен құралдары белсенді талқыланды.
Семинарға ҚР Ғылым және жоғары білім министрлігінің өкілдері, ректорлар, академиялық мәселелер жөніндегі проректорлар, Академиялық мәселелер жөніндегі департаменттердің басшылары, ЖЖОКБҰ профессор-оқытушылар құрамы қатысты. Семинар жұмысына республиканың жоғары және жоғары оқу орнынан кейінгі білім беру ұйымдарының 300-ден астам адамы қатысты. Семинар барысында қатысушылар ЖОО-да академиялық адалдыққа қол жеткізу мәселелерін талқылауға, өз тәжірибелерімен бөлісуге, тетікті жетілдіру және оқыту мен бағалаудың барлық деңгейлерінде ашықтықты қамтамасыз ету бойынша одан әрі даму бағдарларын айқындауға мүмкіндік алды.