IAAR жаңа сарапшылар үшін оқыту семинарын өткізді
20.02.2026
2026 жылғы 20 ақпанда Тәуелсіз аккредиттеу және рейтинг агенттігінде (IAAR) сыртқы бағалау рәсімдері аясында сарапшыларды білім беру ұйымына баруға дайындауға арналған халықаралық семинар өтті.
Іс-шара сарапшылардың кәсіби құзыреттілігін арттыруға, олардың практикалық дағдыларын жетілдіруге және білім беру сапасының халықаралық стандарттарына сәйкес сыртқы бағалау сапарларын жүргізудің бірыңғай тәсілдерін қамтамасыз етуге бағытталды.
Семинар барысында қатысушылар сапарды дайындау мен өткізудің негізгі кезеңдерін, өзін-өзі бағалау есебін талдау мәселелерін, білім беру ұйымдарының өкілдерімен өзара іс-қимылды, сондай-ақ сараптамалық қорытындыларды қалыптастыру ерекшеліктерін қарастырды. Сыртқы сарапшылар жұмысының объективтілігі, ашықтығы және этикалық принциптері мәселелеріне ерекше назар аударылды.
Семинар спикерлері ретінде ЖОО-ларды институционалдық және мамандандырылған аккредиттеу жөніндегі жоба жетекшісі Назырова Гульфия Ривкатовна және техникалық және кәсіптік білім беру ұйымдарын аккредиттеу жөніндегі жоба жетекшісі Ауезханова Жулдуз Аубакировна сөз сөйлеп, практикалық ұсыныстар берді, типтік кейстерді талдады және қатысушылардың сұрақтарына жауап берді.
Семинарға академиялық қоғамдастықтың халықаралық және ұлттық өкілдері мен білім беру сапасын қамтамасыз ету саласындағы мамандар қатысты. Мұндай іс-шараларды өткізу сараптамалық әлеуетті нығайтуға және тәуелсіз аккредиттеу жүйесін одан әрі дамытуға ықпал етеді.
-
02.10.2026 X Орталық Азиялық Халықаралық Форумы
-
30.06.2026 График событий IААR