2021 жылы 21 қазанда Жоғары білім берудегі сапаны қамтамасыз ету бойынша Еуропалық қауымдастықтың (ENQA) жыл сайынғы Бас Ассамблеясы онлайн форматта өтті.  Ассамблеяға ENQA толық және қауымдастырылған мүшелерінің 110-нан астам өкілі қатысты. Аккредиттеу мен рейтингтің тәуелсіз агенттігінің (IAAR) атынан Ассамблеяға IAAR Бас директоры - А.Б. Жұмағұлова және Халықаралық қатынастар жөніндегі Бас директордың орынбасары  - Т.Канапьянов қатысты.

Бас Ассамблеяның күн тәртібінде жылдық жұмыс барысы туралы есепті талқылау, ENQA агенттіктерді тексеру рәсімдері бойынша нұсқаулықтарды жаңарту, ENQA жаңа мүшелерін сайлау, келесі жылға арналған іс -шараларды жоспарлау, ұйымның даму перспективаларын талқылау, 2022 ENQA форумы мен Бас Ассамблеясын өткізу және желінің басқа да ұйымдастыру мәселелері орын алды.

Бас Ассамблея отырысы барысында ENQA Кеңесінің жаңа мүшелері сайланды: Øystein Lund (NOKUT), Jolanta Silka (AIC), Karena Maguire (QQI) және Patrick Van den Bosch (VLUHR QA). Сонымен бірге ENQA жаңа вице-президенті болып Øystein Lund (NOKUT) сайланды. Осыған байланысты, IAAR командасы ENQA Кеңесінің жаңа мүшелерін шын жүректен құттықтап, оларға сәттілік пен көздеген мақсаттарына жетуді тілейді.

ENQA Бас Ассамблеясының екінші бөлігі “СOVID-тен кейінгі кезеңдегі сапаны қамтамасыз ету” (“QA fit for the Post-Covid Era”) онлайн-семинарымен жалғасты. Семинар барысында жоғары білім беру ұйымдары перспективасын Еуропалық университеттер қауымдастығының (EUA) жоғары білім саясаты жөніндегі директорының орынбасары Thérèse Zhang ұсынды; студенттер көзқарасын Еуропалық студенттер одағының (ESU) вице-президенті Jakub Grodecki ұсынды; Сапаны қамтамасыз ету агенттіктерінің тәжірибесі мен көзқарасын AQAS неміс агенттігінің басқарушы директоры Doris Herrmann ұсынды.

Бас Ассамблея туралы толық ақпарат ENQA веб -сайтында орналасқан.