2025 жылдың 7 ақпанында Қазақстан Республикасы Ғылым және жоғары білім министрлігінің кеңейтілген алқа отырысы өтті
07.02.2025
2025 жылдың 7 ақпанында Қазақстан Республикасы Ғылым және жоғары білім министрлігінің кеңейтілген алқа отырысы өтті, оған IAAR Бас директоры-А. Жұмағұлова және кеңесші О. Яновская қатысты.
Отырыста ҚР ҒжЖБ министрі - Саясат Нұрбек жасанды интеллектті дамыту жағдайында білім беру сапасын арттыру және жоғары білікті кадрларды даярлау жөніндегі жұмыстың маңыздылығы туралы сөз сөйледі, бұл Қазақстанның халықаралық аренадағы позициясын нығайтуға және бәсекеге қабілетті білім беру жүйесін құруға мүмкіндік береді.
Алқа отырысында жоғары білім мен ғылымды цифрлық трансформациялау, өңірлік жоғары оқу орындарының инновациялық экожүйесін дамыту және мемлекеттік тілді дамытудың жаңа бағыттары талқыланды.
Алқа жұмысына Қазақстан Республикасы Парламенті Сенаты мен Мәжілісінің депутаттары, аккредиттеу агенттіктері, жоғары оқу орындарының ректорлары, ҒЗИ және Министрліктің ведомстволық бағынысты ұйымдарының басшылары қатысты.