Білім беру ұйымдарының және жоғары білімнің білім беру бағдарламаларының сапасын бағалау саласындағы сараптамалық қызмет
21.02.2025
2025 жылдың 21 ақпанында Аккредиттеу және рейтингтің тәуелсіз агенттігі (IAAR) академиялық сарапшылар үшін сыртқы сараптау комиссиясының (ССК) құрамында білім беру ұйымдарына сапарға дайындық бойынша оқыту семинарын өткізді.
Жоғары оқу орындарын институционалдық және мамандандырылған аккредиттеу жөніндегі жоба жетекшісі Назирова Гульфия Ривкатовна және аккредиттеуден кейінгі мониторинг жөніндегі жоба жетекшісі Әуезханова Жұлдыз Әубәкірқызы семинарға қатысушылар үшін аккредиттеу рәсімінің теориялық және практикалық аспектілеріне жан-жақты талдау жүргізді, сондай-ақ ССК сарапшысының міндеттері мен функцияларын белгіледі.
Семинарға Қазақстан, Әзірбайжан, Қырғызстан, Өзбекстан және Ресейден академиялық қоғамдастық өкілдері қатысты. Қатысушылар IAAR халықаралық аккредиттеу стандарттарын және білім беру ұйымын және (немесе) білім беру бағдарламасын аккредиттеу процесінде сыртқы бағалау рәсімін ұйымдастыру және өткізу жөніндегі басшылықты қолдану тәжірибесімен танысты.
Семинардың соңғы кезеңі қатысушылардың білімін тереңдетуге, практикалық тәжірибе алмасуға және нақты бағалау рәсімдері жағдайында тиімді өзара іс-қимылға ықпал еткен практикалық топтық тапсырмалар болды.
IAAR кезекті семинары сарапшыларды оқытуда, олардың кәсіби біліктілігін арттыруда және жаңа білім мен дағдыларды игеруге ықпал ете отырып, жеке дамуда маңызды буын болды.