Аккредиттеу және рейтингтің тәуелсіз агенттігі (IAAR) Тіркеу комитетінің 2022 жылғы 27/28 маусымдағы шешімімен 5 жылға Жоғары білім беру сапасын қамтамасыз етудің Еуропалық тізіліміне (EQAR) қайта қосылды.

EQAR 2005 жылдан бері сапаны қамтамасыз етудің ашықтығын арттыру және танылған агенттіктер туралы ақпарат беру арқылы Еуропалық жоғары білім аймағының одан әрі дамуын қамтамасыз ететін негізгі ұйым болып табылады. EQAR-ға кіру Еуропалық жоғары білім кеңістігінің аккредиттеу органдары үшін ең жоғары жетістік және мойындау болып табылады.

Еуропалық тізілімге енгізу біздің агенттіктің стратегиялық міндеттерінің бірі болып табылады және осы мәртебеге ие болу үшін IAAR өз қызметін жетекші шетелдік сарапшылар жүргізетін көп сатылы бағалаудан өтті. Танылған агенттік мәртебесін алу IAAR қызметінің жоғары халықаралық стандарттарға сәйкестігін растау және осындай беделді ұйымға сенімнің дәлелі болып табылады.

EQAR-ға қайта қосылуы IAAR-да аккредиттелген барлық білім беру ұйымдары мен білім беру бағдарламалары Жоғары білім беру сапасын қамтамасыз етудің Еуропалық тізілімінің (EQAR) DEQAR дерекқорына автоматты түрде қосылуын жалғастыратынын білдіреді.

Еуропалық DEQAR тізілімі еуропалық мойындалған сапаны қамтамасыз ету агенттіктерімен аккредиттелген білім беру бағдарламалары мен оқу орындарының тізілімі болып табылады. DEQAR-дың негізгі мақсаты – әлемдік қоғамдастықты еуропалық деңгейде мойындалған аккредиттеу агенттіктері, сондай-ақ халықаралық аккредиттеуден сәтті өткен университеттер туралы кеңінен ақпараттандыру.

Бүгінгі таңда IAAR Қазақстан, Қырғызстан, Тәжікстан, Молдова, Әзірбайжан, Румыния, Өзбекстан, Армения және Украинаның 115 білім беру ұйымының 2500-ден астам есебін DEQAR деректер базасына енгізді.

DEQAR-ға білім беру бағдарламалары мен білім беру ұйымдарының қосылуы олардың ESG сапаны қамтамасыз ету стандарттарына сәйкестігін растайды және Еуропалық жоғары білім кеңістігінде аккредиттелген білім беру бағдарламаларын тану үшін негіз болып табылады.

IAAR командасына, Бақылау, Аккредиттеу және Сараптамалық кеңестердің мүшелеріне, сарапшыларға және IAAR қызметін халықаралық сыртқы бағалауға қатысқандардың барлығына алғыс айтамыз!

Біз академиялық қауымдастықты, мүдделі тараптарды және серіктестерді тамаша оқиғамен шын жүректен құттықтаймыз. Сізге зор денсаулық, білім сапасын қамтамасыз етуде шығармашылық табыс тілейміз!

IAAR Жоғары білім беру сапасын қамтамасыз етудің Еуропалық тізіліміне (EQAR) қосу туралы ақпаратты https://data.deqar.eu/agency/30 сайтында алуға болады.