2026 жылғы 26 тамызда Тәуелсіз аккредиттеу және рейтинг агенттігі (ТАРА/IAAR) Тәуелсіз мектептерді аккредиттеуді дамыту жөніндегі халықаралық кеңесте (International Council Advancing Independent School Accreditation, ICAISA) ICAISA танылуын алды.

ICAISA — мектептегі білім беру саласындағы аккредиттеу органдарын біріктіретін халықаралық коммерциялық емес ұйым. ICAISA Кеңесі бүкіл әлем бойынша тәуелсіз және халықаралық мектептердің сапасын қамтамасыз етуге және үздіксіз жетілдірілуіне ықпал ете отырып, аккредиттеу органдары қызметінің стандарттарын әзірлейді және қолдайды.

ICAISA-да мәртебеге ие болу ТАРА/IAAR-дың халықаралық деңгейдегі қатысуын кеңейтуді білдіреді және мектептегі білім беруді аккредиттеу саласындағы халықаралық қоғамдастықпен кәсіби диалог жүргізуге қосымша мүмкіндіктер ашады. ICAISA кәсіби қоғамдастығына қатысу үздік тәжірибемен алмасуға, сапаны бағалаудың халықаралық тәсілдерін енгізуге, консультациялық қолдау алуға және Агенттіктің сараптамалық әлеуетін одан әрі дамытуға мүмкіндік береді.

Бұл қадам ТАРА/IAAR-дың халықаралық ынтымақтастықты кеңейту, аккредиттеу тәжірибесін жетілдіру және білім беру жүйесінің әртүрлі деңгейлерінде білім беру сапасын қамтамасыз ету механизмдерін дамыту бойынша жүйелі жұмысын көрсетеді. Халықаралық кәсіби қоғамдастықпен өзара әрекеттесу сараптамалық әлеуетті дамытуға және мектептегі білім беру сапасын бағалаудағы құзыреттерді кеңейтуге ықпал етеді.

ТАРА/IAAR әлемдік озық тәжірибемен алмасуға, озық тәсілдерді енгізуге және заманауи сын-қатерлер мен өзекті халықаралық үрдістерге сәйкес білім беру сапасын қамтамасыз ету тәсілдерін жетілдіруге бағдарлана отырып, халықаралық серіктестікті дамытуды жалғастыруда.

Ақпарат ICAISA ресми сайтында орналастырылған.