Сарапшылардың біліктілігін арттыру бағдарламасы: студенттерді оқыту және даярлау
26.09.2023
2023 жылдың 26 қыркүйегінде IAAR Аккредиттеу және рейтингтің тәуелсіз агенттігінің (IAAR) студенттік сарапшыларын білім беру ұйымдарына сыртқы сараптама комиссия сапарына дайындау мақсатында вебинар өткізді. Модераторлар IAAR бас директорының халықаралық ынтымақтастық жөніндегі орынбасары, PhD докторы Қанапьянов Тимур Ерболатұлы және сыртқы сараптау комиссияларын құру жөніндегі жоба жетекшісі, э.ғ.к. Гүлфия Ривкатқызы Назырова болды. Вебинарға қазақстандық медицина студенттері қауымдастығының (KazMSA) және Қазақстан студенттерінің альянсының (ASK) мүшелері белсенді қатысты. ESG сапаны қамтамасыз ету стандарттары мен студентке бағытталған оқыту негізінде өткен вебинарда білім беру ұйымдарын/білім беру бағдарламаларын халықаралық аккредиттеудің принциптері мен кезеңдері, IAAR сараптама қызметіне қойылатын талаптар, сыртқы сараптама комиссиядағы студенттік сарапшылардың рөлі талқыланды. Кейстермен жұмыс интерактивті түрде жүргізілді: IAAR мамандандырылған аккредитациясының стандарттары мен критерийлерін түсіну; Білім беру ұйымының өзін-өзі бағалау есептерімен жұмыс жасау және жақсарту бойынша ұсыныстар әзірлеу. Кейстермен жұмыс студенттерге IAAR сарапшысы ретінде жұмыс істеу үшін нақты дағдылар мен құзыреттерді дамытуға мүмкіндік берді.