2021 жылдың 21-29 маусымында Эразмус + бағдарламасының KUTEL жобасы шеңберінде «Жаңа технологияларды қолдана отырып білім берудегі сапа кепілдігі процестерін жақсарту» атты білім беру сапасын қамтамасыз ету бойынша вебинарлар сериясы басталды.

2021 жылдың 21 маусымында Аккредиттеу және рейтингтің тәуелсіз агенттігі (IAAR) «Сапаны сыртқы қамтамасыз ету - стандарттар мен нұсқаулар» вебинарлар циклын бастады. Вебинарлардың мақсаты - TEL-дің озық технологияларын қолдана отырып білім сапасын арттыру және қазақстандық жоғары оқу орындарының білім беру қызметтерінің бәсекеге қабілеттілігін арттыру мақсатында KUTEL жобасының нәтижелерін ұлттық деңгейде тарату болып табылады.

Вебинарда Білім және ғылым министрлігі Білім және ғылым саласындағы сапаны қамтамасыз ету комитеті төрағасының орынбасары - Г.С. Джарасова сөз сөйлеп, IAAR Бас Директорының Кеңесшісі - O.А. Яновская  «Аккредиттеу жоғары білім сапасын қамтамасыз ету тетігі ретінде» тақырыбында баяндама жасады. IAAR ақпараттық-талдау жобасының жетекшісі Н.А Қыдырмина «Ұйымдық даму мен мәдени өзгерістердің қозғаушы күші ретінде сыртқы сапаны қамтамасыз ету процедурасын анықтау және әзірлеу» баяндамасын ұсынды. IAAR Халықаралық ынтымақтастық жөніндегі Бас Директордың орынбасары Т.Е. Канапьянов «Жоғары білім беру сапасы құрылымына технологиялық негіздегі білім берудің (TEL) өлшемдері мен принциптерін қосу - проблемалар мен кедергілер» тақырыбында баяндама жасады.

Вебинар академиялық қауымдастықтың үлкен қызығушылығын тудырды. Іс-шараға 220-дан астам адам қатысты. Вебинар соңында сұрақтар қойылып, жан-жақты жауаптар алынды.