IAAR Бақылау кеңесінің отырысы, 2025 жылғы 7 қараша
10.11.2025
2025 жылғы 7 қарашада IAAR Бақылау кеңесінің отырысы өтті. Отырысқа Бақылау кеңесінің төрағасы – ҚР Парламенті Сенаты жанындағы Сенаторлар кеңесі төрағасының орынбасары, төтенше және өкілетті елші дипломатиялық дәрежесіне ие Айтимова Бырғаным Сариевна және Бақылау кеңесінің мүшелері қатысты:
1. Игорь Эмри – Халықаралық инженерлік академияның Словения бөлімшесінің президенті, техника ғылымдарының докторы, профессор, Словения Республикасы Ғылым академиясының академигі.
2. Каринова Шолпан Танатовна – ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның мүшесі.
3. Гаипов Зұлфұхар Сұлтанұлы – ҚР Президенті жанындағы Мемлекеттік басқару академиясы Басқару институтының директоры, саяси ғылымдар докторы.
4. Канафина Сара Жангелдіқызы – Назарбаев Университетінің Медицина мектебінің «Қоғамдық денсаулық сақтау» магистратура бағдарламасының магистранты.
IAAR Бас директоры А.Б.Жумагулова Еуропалық жоғары білім сапасын қамтамасыз ету қауымдастығына (ENQA) келісуге ұсынылған өзін-өзі бағалау есебінің жобасын таныстырды.
Бақылау кеңесінің отырысында сондай-ақ IAAR қызметіне цифрлық технологияларды енгізу, қызметкерлердің дағдылары мен құзыреттерін арттыру, тәуекелдерді басқару және басқа да стратегиялық мәселелер қаралды.